«Barselona» hujumchisi Robert Levandovski jamoasining Yevropa ligasidagi ishtiroki haqida gapirdi.
Kataloniyaliklar Chempionlar ligasi guruhidan chiqa olmadi va «Bavariya» va «Inter»dan keyin uchinchi o‘rinni egalladi. Yevropa ligasining 1/16 final bosqichida «ko‘k-anorranglilar» «Manchester Yunayted»ga qarshi o‘ynaydi.
«Ha, bizning orzuimiz Chempionlar ligasida g‘alaba qozonish, Yevropa ligasi ham yomon emas. «Manchester Yunayted» bilan o‘yinlar juda qiyin bo‘ladi.
Bizning vazifamiz - o‘zimizga ishonish va maqsad sari qadamma-qadam borish», - dedi o‘tgan yozda «Barselona» safiga qo‘shilgan polshalik hujumchi.
