"Manchester Siti" yarim himoyachisi Kevin De Bryuynening fikricha, uning jamoadoshi Lionel Messi va Krishtianu Ronaldu faoliyatidagi kabi ko‘plab gollarni urishi mumkin.
22 yoshli Erling Xoland "Manchester Siti"dagi faoliyatini ajoyib boshladi va 19 ta o‘yinda 24 ta gol urdi.
De Bryuyne fikricha, Erling shu sur’atni saqlab qolsa, jahon futboli tarixidagi eng yaxshi to‘purarlardan biriga aylanishi mumkin.
"U allaqachon 200 ga yaqin gol urgan, shuning uchun u formasini saqlab qolsa va o‘z ishini qilsa, 600, 700 yoki 800 gol urishga erisha oladi. Erling - yuqori darajadagi hujumchi", - deya De Bryuynening so‘zlaridan iqtibos keltiradi Daily Mail nashri.
