Jurnalist Marko Konterioning fikricha, "Tottenxem" "Yuventus" yarim himoyachisi Adriyen Rabyoni sotib olish uchun asosiy da’vogar.
Manbaga ko‘ra, turinliklar bosh murabbiyi Massimiliano Allegri kelasi yozda 27 yoshli fransiyalik futbolchining ketishiga qarshi bo‘lmaydi, biroq murabbiy Rabyoni joriy mavsum oxirigacha olib qolish niyatida.
Yarim himoyachining "Yuventus" bilan amaldagi shartnomasi kelasi yilning iyun oyi oxirigacha hisoblangan. Transfermarkt portali Fransiya terma jamoasi futbolchisini 25 million yevroga baholamoqda.
Joriy mavsumda Rabyo “keksa sinyora” safida 16 ta o‘yin o‘tkazib, 5 ta gol va 2 ta golli uzatmaga mualliflik qilgan.
