Журналист Марко Контерионинг фикрича, "Тоттенхэм" "Ювентус" ярим ҳимоячиси Адриен Рабьони сотиб олиш учун асосий даъвогар.
Манбага кўра, туринликлар бош мураббийи Массимилиано Аллегри келаси ёзда 27 ёшли франциялик футболчининг кетишига қарши бўлмайди, бироқ мураббий Рабьони жорий мавсум охиригача олиб қолиш ниятида.
Ярим ҳимоячининг "Ювентус" билан амалдаги шартномаси келаси йилнинг июнь ойи охиригача ҳисобланган. Transfermarkt портали Франция терма жамоаси футболчисини 25 миллион еврога баҳоламоқда.
Жорий мавсумда Рабьо “кекса синьора” сафида 16 та ўйин ўтказиб, 5 та гол ва 2 та голли узатмага муаллифлик қилган.
