Gollandiya terma jamoasining sobiq futbolchisi Rud Gullit futbol tarixidagi eng yaxshi futbolchilar ro‘yxatida Lionel Messining o‘rni haqida o‘z fikrlari bilan o‘rtoqlashdi.
«Yo‘q, men Messini tarixdagi eng yaxshi futbolchi deb hisoblamayman. Menimcha, u o‘z davrning eng yaxshi futbolchisi.
Ko‘p narsalarni bir-biri bilan taqqoslab bo‘lmaydi. Pele uch karra jahon chempioni bo‘ldi, bu juda ko‘p.
60 yillar va 70 yillarning bir qismi uning davri edi. Keyin Maradona davri keldi - 80-90 yillar. Shunisi e’tiborga loyiqki, biz uchta janubiy amerikalik haqida gapirmoqdamiz», - deya Gullitning so‘zlaridan iqtibos keltiradi Ziggo Sport.
Messi JCH-2022 finalida Fransiyaga qarshi o‘yinda dubl qayd etdi (3:3, penaltilar bo‘yicha 4:2) va turnirning eng yaxshi futbolchisiga aylandi.
