Голландия терма жамоасининг собиқ футболчиси Руд Гуллит футбол тарихидаги энг яхши футболчилар рўйхатида Лионель Мессининг ўрни ҳақида ўз фикрлари билан ўртоқлашди.
«Йўқ, мен Мессини тарихдаги энг яхши футболчи деб ҳисобламайман. Менимча, у ўз даврнинг энг яхши футболчиси.
Кўп нарсаларни бир-бири билан таққослаб бўлмайди. Пеле уч карра жаҳон чемпиони бўлди, бу жуда кўп.
60 йиллар ва 70 йилларнинг бир қисми унинг даври эди. Кейин Марадона даври келди - 80-90 йиллар. Шуниси эътиборга лойиқки, биз учта жанубий америкалик ҳақида гапирмоқдамиз», - дея Гуллитнинг сўзларидан иқтибос келтиради Ziggo Sport.
Месси ЖЧ-2022 финалида Францияга қарши ўйинда дубл қайд этди (3:3, пенальтилар бўйича 4:2) ва турнирнинг энг яхши футболчисига айланди.