Madridning “Real” klubi “Rayo Valyekano” himoyachisi Fran Garsiyaga qiziqish bildirmoqda, deya xabar beradi Marca.

Manbaga ko‘ra, "qaymoqranglilar" bosh murabbiyi Karlo Anchelotti Garsiyani asosiy tarkibda ko‘rmoqchi. 23 yoshli ispaniyalikni jamoada hurmat qilishadi. Garsiyaga shuningdek "Sevilya" ham qiziqib qolgandi.

Garsiya "Real Madrid" tarbiyalanuvchisi bo‘lib, 2021 yilning iyulida "Rayo Valekano"ga o‘tgan. Uning klub bilan amaldagi shartnomasi 2025 yilgacha mo‘ljallangan. Transfermarkt portali futbolchining narxini 8 million yevroga baholamoqda.

Garsiya joriy mavsumda “Valyekano” safida barcha turnirlarda 15 ta o‘yinda maydonga tushdi va 2 ta golli uzatmani amalga oshirdi.