"PSJ" "Fiorentina" va Marokash terma jamoasi yarim himoyachisi Sofyan Amrabat bilan shartnoma imzolamoqchi.
Jurnalist Marko Konterioning yozishicha, 26 yoshli futbolchida faoliyatini davom ettirish uchun bir nechta variant bor. Unga "Tottenxem" va "Liverpul" ham da’vogarlik qilmoqda, transfer tashabbuskorlari esa mos ravishda jamoalar bosh murabbiylari Antonio Konte va Yurgen Kloppdir.
Yarim himoyachining transferi yanvar oyida amalga oshishi mumkin.
"Fiorentina" futbolchini 30 million yevrodan ko‘proq baholamoqda, parijliklar terma jamoada Amrabat bilan yaxshi munosabatda bo‘lgan Ashraf Hakimiyni muzokaraga jalb etishga harakat qiladi.