"ПСЖ" "Фиорентина" ва Марокаш терма жамоаси ярим ҳимоячиси Софьян Амрабат билан шартнома имзоламоқчи.
Журналист Марко Контерионинг ёзишича, 26 ёшли футболчида фаолиятини давом эттириш учун бир нечта вариант бор. Унга "Тоттенхэм" ва "Ливерпуль" ҳам даъвогарлик қилмоқда, трансфер ташаббускорлари эса мос равишда жамоалар бош мураббийлари Антонио Конте ва Юрген Клоппдир.
Ярим ҳимоячининг трансфери январь ойида амалга ошиши мумкин.
"Фиорентина" футболчини 30 миллион евродан кўпроқ баҳоламоқда, парижликлар терма жамоада Амрабат билан яхши муносабатда бўлган Ашраф Ҳакимийни музокарага жалб этишга ҳаракат қилади.