Qozog‘istonning Olma-ota shahrida shaxmatning rapid yo‘nalishida boshlangan jahon chempionati sportchilar bugun 2-kun bahslarida ishtirok etishdi.

Kechagi o‘tkazilgan 5ta turdan so‘ng 4 ochko bilan jadvalda 8-o‘rinni egallab turgan Nodirbek Abdusattorov bugun kuchli raqiblarga qarshi dona surdi.

Hamyurtimiz polshalik Yan-Kshishtof Dudaga qarshi oq donalarda o‘ynab, g‘alaba qozondi. Shundan so‘ng Nodirbekka rossiyalik Yan Nepomnyashchiyga qarshi qora donalarda o‘ynadi. Raqib ustunlikka erishayotgan paytda vatandoshimiz kuchli yurishni amalga oshirdi va g‘alabani o‘z tomoniga og‘dirdi.

Uchinchi turda Abdusattorov peshqadamlar safida borayotgan Vladimir Fedoseev (Rosssiya) bilan bahslashdi va durangga imzo chekdi. Nodirbek 9-turda yana bir rossiyalik Daniil Dubovga qarshi qora donalarda o‘ynab, durang bilan kifoyalandi.

Shu tariqa, Nodirbek Abdusattorov 9-turdan so‘ng 7 ochko jamg‘arib, 3-o‘ringa ko‘tarilib oldi. Peshqadam Magnus Karlsen hisobida 7,5 ochko bor. Vladimir Fedoseev esa 7 ochko bilan 2-pog‘onani band etgan.

Shaxmat. Rapid bo‘yicha JCH.
1. Magnus Karlsen (Norvegiya) — 7,5 ochko
2. Vladimir Fedoseev (Rossiya) — 7,0
3. Nodirbek Abdusattorov — 7,0
4. Keymer Vinsent (Germaniya) — 7,0.
30. Nodirbek Yoqubboyev — 5,5.
79. Javohir Sindarov — 5,0
89. Shamsiddin Vohidov — 4,5
123. Jahongir Vohidov — 4,0
142. Muhammadzohid Suyarov — 3,5
161. Humoyun Begmurotov — 3,0.