Қозоғистоннинг Олма-ота шаҳрида шахматнинг рапид йўналишида бошланган жаҳон чемпионати спортчилар бугун 2-кун баҳсларида иштирок этишди.

Кечаги ўтказилган 5та турдан сўнг 4 очко билан жадвалда 8-ўринни эгаллаб турган Нодирбек Абдусатторов бугун кучли рақибларга қарши дона сурди.

Ҳамюртимиз польшалик Ян-Кшиштоф Дудага қарши оқ доналарда ўйнаб, ғалаба қозонди. Шундан сўнг Нодирбекка россиялик Ян Непомняшчийга қарши қора доналарда ўйнади. Рақиб устунликка эришаётган пайтда ватандошимиз кучли юришни амалга оширди ва ғалабани ўз томонига оғдирди.

Учинчи турда Абдусатторов пешқадамлар сафида бораётган Владимир Федосеев (Росссия) билан баҳслашди ва дурангга имзо чекди. Нодирбек 9-турда яна бир россиялик Даниил Дубовга қарши қора доналарда ўйнаб, дуранг билан кифояланди.

Шу тариқа, Нодирбек Абдусатторов 9-турдан сўнг 7 очко жамғариб, 3-ўринга кўтарилиб олди. Пешқадам Магнус Карлсен ҳисобида 7,5 очко бор. Владимир Федосеев эса 7 очко билан 2-поғонани банд этган.

Шахмат. Рапид бўйича ЖЧ.
1. Магнус Карлсен (Норвегия) — 7,5 очко
2. Владимир Федосеев (Россия) — 7,0
3. Нодирбек Абдусатторов — 7,0
4. Кеймер Винсент (Германия) — 7,0.
30. Нодирбек Ёқуббоев — 5,5.
79. Жавоҳир Синдаров — 5,0
89. Шамсиддин Воҳидов — 4,5
123. Жаҳонгир Воҳидов — 4,0
142. Муҳаммадзоҳид Суяров — 3,5
161. Ҳумоюн Бегмуротов — 3,0.