"Roma" qanot hujumchisi Nikolo Dzanyolo "Milan" nishoniga aylandi, deya xabar beradi MilanNews Gazette Dello Sport nashriga tayanib.
Milanliklar Yevropaning top jamoalari uning transferiga qiziqish bildirayotganini inobatga olgan holda, qanot hujumchisi Rafael Leau uchun potensial muqobil izlanishda. Klub uning ketishiga tayyor bo‘lishni istamoqda.
"Roma" Dzanyoloni 60 million yevroga baholamoqda, italiyalikning amaldagi shartnomasi 2024 yilning yoziga qadar mo‘ljallangan. Rimliklar allaqachon 23 yoshli futbolchi bilan shartnomani uzaytirish bo‘yicha muzokaralar olib borishga urinishni boshlagan.
Shuningdek, "Milan"ning nomzodlar ro‘yxatida Xakim Ziyesh (Chelsi), Marko Asensio (Real) va Noa Okafor (Red Bull Zalsburg) bor.