"Рома" қанот ҳужумчиси Николо Дзаньоло "Милан" нишонига айланди, дея хабар беради MilanNews Gazette Dello Sport нашрига таяниб.
Миланликлар Европанинг топ жамоалари унинг трансферига қизиқиш билдираётганини инобатга олган ҳолда, қанот ҳужумчиси Рафаэль Леау учун потенциал муқобил изланишда. Клуб унинг кетишига тайёр бўлишни истамоқда.
"Рома" Дзаньолони 60 миллион еврога баҳоламоқда, италияликнинг амалдаги шартномаси 2024 йилнинг ёзига қадар мўлжалланган. Римликлар аллақачон 23 ёшли футболчи билан шартномани узайтириш бўйича музокаралар олиб боришга уринишни бошлаган.
Шунингдек, "Милан"нинг номзодлар рўйхатида Хаким Зиеш (Челси), Марко Асенсио (Реал) ва Ноа Окафор (Ред Булл Зальцбург) бор.