"Yuventus" klubi hujumchi Dushan Vlaxovichni qishki transfer oynasida qo‘yib yuborishga tayyor emas, deya xabar beradi jurnalist Mirko Di Natale.
Manbaga ko‘ra, Turin klubi 22 yoshli futbolchining transferi bo‘yicha boshqa jamoalarning takliflarini ko‘rib chiqmoqchi emas. U jamoa loyihasining asosiy figurasi hisoblanadi va bosh murabbiy Massimiliano Allegri uni daxlsiz deb biladi.
O‘tgan qishda "Yuve" hujumchini "Fiorentina"dan 80 million yevroga sotib olgandi.
Vlaxovich joriy mavsumda 19 ta o‘yinda 9 ta gol va 3 ta golli uzatmani amalga oshirdi.