"Ювентус" клуби ҳужумчи Душан Влаховични қишки трансфер ойнасида қўйиб юборишга тайёр эмас, дея хабар беради журналист Мирко Ди Натале.
Манбага кўра, Турин клуби 22 ёшли футболчининг трансфери бўйича бошқа жамоаларнинг таклифларини кўриб чиқмоқчи эмас. У жамоа лойиҳасининг асосий фигураси ҳисобланади ва бош мураббий Массимилиано Аллегри уни дахлсиз деб билади.
Ўтган қишда "Юве" ҳужумчини "Фиорентина"дан 80 миллион еврога сотиб олганди.
Влахович жорий мавсумда 19 та ўйинда 9 та гол ва 3 та голли узатмани амалга оширди.
