"Manchester Yunayted" yangi hujumchi qidirishda davom etmoqda.
The Times xabariga ko‘ra, "Atletiko" va Portugaliya terma jamoasi hujumchisi Joau Feliksning mankunianliklar bilan shartnoma imzolashi tobora qiyinlashib bormoqda. "Qizil iblislar"ni ispan klubi talablari qoniqtirmayapti - umumiy hisobda klub futbolchi olti oylik ijara va maosh uchun taxminan 16 million funt sarflashi kerak bo‘ladi.
"Manchester Yunayted" "matraschilar" 23 yoshli futbolchini to‘liq sotib olish varianti kelishuvga kiritilishiga rozi emasligini inobatga olib, bu summani juda yuqori deb hisoblamoqda.
Jurnalist Saymon Stounning xabar berishicha, britaniyaliklar "Barselona"dan Memfis Depayni taklif qilish imkoniyatini ko‘rib chiqmoqda. Rahbarlar o‘rtasidagi suhbatda uning nomzodi bir necha bor tilga olingan.