Rossiya Gosdumasi deputati Roman Teryushkov Rossiya futbol ittifoqining Osiyo futbol konfederasiyasiga o‘tishi mumkinligi haqida o‘z fikrini bildirib o‘tdi.

«Hozirda qayerda o‘ynashni muhokama qilyapmiz. Jahonda 200ta mamlakat bor, NATOga esa bor-yo‘g‘i 30 davlat a’zo. Biz ular bilan o‘ynashni istaymizmi? Osiyoda esa bizga qarshi bo‘ladigan mamlakatlar ko‘p emas. Geosiyosiy jihatdan Osiyoda o‘ynashimiz muhim. Ronaldu qayerda o‘ynamoqchi? Osiyoda. Keling, biz ham sinab ko‘ramiz.

O‘z futbolchilarimizga e’tibor qaratishni boshlaymiz. Xorijlik o‘yinchilarga milliardlab pul sarflamaymiz. Yevropada biz so‘nggi marta qanday sovrinni qo‘lga kiritdik? «Zenit», «Spartak» va SSKA katta pul sarflamoqda.

Osiyoda ko‘plab sovrinlarni qo‘lga kiritish qiziqmi? Men uchun yo‘q. Agar bizni OFKga qabul qilishsa ham, jahon chempionatini orzu qilmasa ham bo‘ladi. FIFA bizga ruxsat bermaydi. Hech bo‘lmasa Osiyo klublarimiz bilan o‘ynaymiz», — dedi Teryushkov.

Eslatib o‘tamiz, RFI ijroqo‘mi OFKga o‘tish masalasini bugun hal qiladi.