Madridning «Real» klubi bosh murabbiyi Karlo Anchelotti jamoa futbolchilari Marko Asensio va Dani Sebalyosning kelajagi haqida fikr bildirdi.

«Men Asensio va Sebalyos bilan shartnomani uzaytirishdan xavotirda emasman. Hali buni muhokama qilish uchun vaqtimiz bor.

Bu futbolchilar «Real»da o‘ynashda davom etishsa, men bundan xursand bo‘laman, aks holda, ularning kelajagiga omad tilayman» — dedi.

Ma’lumot uchun, Sebalyos joriy mavsum «Real» safida 11 ta o‘yinda maydonga tushib, 200 daqiqadan ko‘proq vaqtni maydonda o‘tkazdi. Asensio 15 o‘yinda 3 ta gol urdi va 3 ta golli uzatmani amalga oshirdi.