"Chelsi" "Benfika" yarim himoyachisi Enso Fernandes transferi bo‘yicha muzokaralarga kirishdi, deya xabar beradi jurnalist Fabrisio Romano.
Manbaga ko‘ra, 21 yoshli argentinalik allaqachon London klubiga o‘tishga dastlabki rozilikni bergan. "Benfika" "Chelsi"dan 120 million yevro talab qilmoqda, bu summa futbolchining shartnomasida tovon puli ko‘rinishida ko‘rsatilgan, ammo "ko‘klar" muzokaralar davomida narxni pasaytirmoqchi.
Fernandes 2022 yilning iyulidan beri "Benfika" safida o‘ynaydi. Joriy mavsumda u jamoa uchun 24 o‘yinda 3 gol urdi va 5 golli uzatmani amalga oshirdi, shuningdek, Argentina terma jamoasi tarkibida JCH-2022da g‘olib chiqdi va turnirning eng yaxshi yosh futbolchisi deb topildi.













