"Челси" "Бенфика" ярим ҳимоячиси Энцо Фернандес трансфери бўйича музокараларга киришди, дея хабар беради журналист Фабрицио Романо.
Манбага кўра, 21 ёшли аргентиналик аллақачон Лондон клубига ўтишга дастлабки розиликни берган. "Бенфика" "Челси"дан 120 миллион евро талаб қилмоқда, бу сумма футболчининг шартномасида товон пули кўринишида кўрсатилган, аммо "кўклар" музокаралар давомида нархни пасайтирмоқчи.
Фернандес 2022 йилнинг июлидан бери "Бенфика" сафида ўйнайди. Жорий мавсумда у жамоа учун 24 ўйинда 3 гол урди ва 5 голли узатмани амалга оширди, шунингдек, Аргентина терма жамоаси таркибида ЖЧ-2022да ғолиб чиқди ва турнирнинг энг яхши ёш футболчиси деб топилди.
