O‘tgan mavsumni Namanganning "Navbahor" klubi safida o‘tkazgan yarim himoyachi Diyor Turopov "Neftchi"ga transferidan so‘ng Instagram sahifasida klub bilan bilan xayrlashdi.
"Barchasi uchun rahmat! Namangan xalqidan va ashaddiy muxlislaridan judayam minnatdorman. Stadionda yaratib bergan atmosfera va qo‘llab-quvvatlaganinglar uchun katta rahmat! Omad!", - deb yozdi Turopov.
Ma’lumot o‘rnida, Turopov o‘tgan mavsumning birinchi davrasini Toshkentning "Lokomotiv", ikkinchi qismini Namanganning "Navbahor" klublarida o‘tkazgan. Superligada jami 21 ta o‘yinda maydonga tushib, 1526 daqiqa harakat qilgan va 2 ta gol kiritib, ikki golga assistentlik qilgan.
