Ўтган мавсумни Наманганнинг "Навбаҳор" клуби сафида ўтказган ярим ҳимоячи Диёр Туропов "Нефтчи"га трансферидан сўнг Instagram саҳифасида клуб билан билан хайрлашди.
"Барчаси учун раҳмат! Наманган халқидан ва ашаддий мухлисларидан жудаям миннатдорман. Стадионда яратиб берган атмосфера ва қўллаб-қувватлаганинглар учун катта раҳмат! Омад!", - деб ёзди Туропов.
Маълумот ўрнида, Туропов ўтган мавсумнинг биринчи даврасини Тошкентнинг "Локомотив", иккинчи қисмини Наманганнинг "Навбаҳор" клубларида ўтказган. Суперлигада жами 21 та ўйинда майдонга тушиб, 1526 дақиқа ҳаракат қилган ва 2 та гол киритиб, икки голга ассистентлик қилган.