Londonning "Arsenal" klubi yarim himoyachisi Martin Edegor o‘tgan mavsum oxirida "Nyukasl"dan uchralgan mag‘lubiyatdan juda xafa bo‘lganini tan oldi. Eslatib o‘tamiz, o‘sha uchrashuv natijasi yakunda "kanonirlar"ni Chempionlar ligasidan mahrum qilgan edi.
"O‘tgan mavsumda "Nyukasl"dan mag‘lub bo‘lganimiz, albatta, faoliyatimdagi eng og‘irlaridan edi. Shu kuni biz Chempionlar ligasiga chiqish uchun deyarli barcha imkoniyatlardan mahrum bo‘ldik, bu alamli edi. Ishonchim komilki, bo‘lajak o‘yin uchun bizga qo‘shimcha motivasiya kerak emas", dedi Edegor “Arsenal” rasmiy saytiga bergan intervyusida.
"Kanonirlar" bugun yana "Nyukasl"ga qarshi bahs olib boradi. Ayni damda “magpiylar” Angliya Premyer-ligasi turnir jadvalida uchinchi o‘rinda bormoqda.
