Лондоннинг "Арсенал" клуби ярим ҳимоячиси Мартин Эдегор ўтган мавсум охирида "Ньюкасл"дан учралган мағлубиятдан жуда хафа бўлганини тан олди. Эслатиб ўтамиз, ўша учрашув натижаси якунда "канонирлар"ни Чемпионлар лигасидан маҳрум қилган эди.
"Ўтган мавсумда "Ньюкасл"дан мағлуб бўлганимиз, албатта, фаолиятимдаги энг оғирларидан эди. Шу куни биз Чемпионлар лигасига чиқиш учун деярли барча имкониятлардан маҳрум бўлдик, бу аламли эди. Ишончим комилки, бўлажак ўйин учун бизга қўшимча мотивация керак эмас", деди Эдегор “Арсенал” расмий сайтига берган интервюсида.
"Канонирлар" бугун яна "Ньюкасл"га қарши баҳс олиб боради. Айни дамда “магпийлар” Англия Премьер-лигаси турнир жадвалида учинчи ўринда бормоқда.
