Janubiy Afrikada turizm bilan shug‘ullanuvchi South African Tourism kompaniyasi portugaliyalik hujumchi Krishtianu Ronalduga murojaat yozdi.
Eslatib o‘tamiz, "An-Nasr" klubidagi taqdimot chog‘ida 37 yoshli futbolchi noto‘g‘ri gapirib, Saudiya Arabistonini JAR bilan adashtirib yuborgandi.
"Biz Krishtianuning tashrif buyurishini intiqlik bilan kutamiz. Biz uni istalgan vaqtda Janubiy Afrikada ko‘rishdan xursand bo‘lamiz", — deyiladi Janubiy Afrika turizmi matbuot xizmati xabarida.
Krishtianu "An-Nasr" bilan ikki yarim yillik shartnoma imzoladi. Ushbu kelishuv tufayli portugaliyalik jahon futbolidagi eng ko‘p maosh oluvchi futbolchiga aylandi. Uning maoshi yiliga 200 million yevroni tashkil qiladi.
