Жанубий Африкада туризм билан шуғулланувчи South African Tourism компанияси португалиялик ҳужумчи Криштиану Роналдуга мурожаат ёзди.
Эслатиб ўтамиз, "Ан-Наср" клубидаги тақдимот чоғида 37 ёшли футболчи нотўғри гапириб, Саудия Арабистонини ЖАР билан адаштириб юборганди.
"Биз Криштианунинг ташриф буюришини интиқлик билан кутамиз. Биз уни исталган вақтда Жанубий Африкада кўришдан хурсанд бўламиз", — дейилади Жанубий Африка туризми матбуот хизмати хабарида.
Криштиану "Ан-Наср" билан икки ярим йиллик шартнома имзолади. Ушбу келишув туфайли португалиялик жаҳон футболидаги энг кўп маош олувчи футболчига айланди. Унинг маоши йилига 200 миллион еврони ташкил қилади.
