90-100 million yevroga baholangan Randal Kolo-Muaniga "Bavariya" va "Manchester Yunayted" qiziqish bildirmoqda.

Frankfurtning "Ayntraxt" klubi 24 yoshli hujumchini qishda sotmasligi aniq. Yozda Frankfurt klubi muzokaralarga rozi bo‘lishi mumkin, ammo futbolchi uchun 90-100 million yevro so‘raydi, deb yozadi Sky Sports Deustchland jurnalisti Florian Plettenberg.

Futbolchining o‘zi "Ayntraxt"dan "Bavariya" yoki "Borussiya D"ga o‘tishni, keyin esa Premyer-liga jamoasiga o‘tishni istamoqda.

Qayd etilishicha, “Bavariya” fransiyalik futbolchini kuzatib bormoqda. Unga "MYU" ham jiddiy qiziqish bildirmoqda. Ammo hozircha Kolo-Muani yozgi transfer oynasidan keyin ham "Ayntraxt"da qolishni rejalashtirmoqda. Buning uchun klub yevrokuboklarda o‘ynashi kerak.

Kolo-Muani joriy mavsumda Frankfurtning “Ayntraxt” klubi safida barcha musobaqalarda 23 o‘yinda 8 ta gol urdi va 10 ta golli uzatmani amalga oshirdi. JCH-2022da u Fransiya terma jamoasi safida 3 ta o‘yinda 1 ta gol kiritdi.