"Brayton"ning hujumkor yarim himoyachisi Leandro Trossard joriy mavsum oxirida jamoani tark etishi mumkin. 28 yoshli futbolchi so‘nggi bir necha hafta ichida "chag‘alaylar"dan kelgan bir nechta yangi shartnoma takliflarini rad etgan.
Trossardning shartnomasi 2023 yilning yozida tugaydiganligi sababli, mavsum yakunida u erkin agent sifatida jamoani tark etishi mumkin va yanvar oyidan boshlab u boshqa klublar bilan muzokara boshlash huquqiga ega. “Brayton”da shartnomani yana bir mavsumga uzaytirish imkoniyati bor, biroq bu imkoniyatdan foydalanmaslikka qaror qilindi va futbolchining o‘zi jamoani tark etishga tayyor. Agar shunday bo‘ladigan bo‘lsa, unda "Chelsi" va "Nyukasl" bunga da’vogarlardan biri deb ataladi.
Trossard joriy mavsumda Premyer-ligada 16 ta o‘yinda maydonga tushdi. Uning hisobida yettita gol va ikkita golli uzatma bor.
