“An-Nasr” rahbariyati Krishtianu Ronalduni ro‘yxatdan o‘tkazish uchun klubning sakkiz nafar legioneridan qaysi biri qurbon bo‘lishini hal qildi.
"Ortiqcha" futbolchi Kamerun terma jamoasi sardori Vensan Abubakar bo‘lib chiqdi. Sky Sport nashrining xabar berishicha, "An-Nasr" hujumchi bilan shartnomani bekor qilgan va Krishtianu Ronalduni jamoa o‘yinchisi sifatida ro‘yxatdan o‘tkazgan.
Eslatib o‘tamiz, Ronaldu Saudiya klubidagi to‘qqizinchi legionerga aylangandi va xorijlik futbolchilarni ro‘yxatdan o‘tkazish uchun unga bo‘sh joy yo‘q edi. Bu joyni bo‘shatish uchun klub boshqa legionerlardan qutulishi kerak edi.
