“Ан-Наср” раҳбарияти Криштиану Роналдуни рўйхатдан ўтказиш учун клубнинг саккиз нафар легионеридан қайси бири қурбон бўлишини ҳал қилди.
"Ортиқча" футболчи Камерун терма жамоаси сардори Венсан Абубакар бўлиб чиқди. Sky Sport нашрининг хабар беришича, "Ан-Наср" ҳужумчи билан шартномани бекор қилган ва Криштиану Роналдуни жамоа ўйинчиси сифатида рўйхатдан ўтказган.
Эслатиб ўтамиз, Роналду Саудия клубидаги тўққизинчи легионерга айланганди ва хорижлик футболчиларни рўйхатдан ўтказиш учун унга бўш жой йўқ эди. Бу жойни бўшатиш учун клуб бошқа легионерлардан қутулиши керак эди.
