«Milan» bosh murabbiyi Stefano Pioli Italiya chempionati doirasidagi «Roma»ga qarshi o‘yin arafasida raqibi haqida gapirdi.
Mutaxassis «rossonerilar»ga aloqadorligi aytilayotgan yarim himoyachi Nikolo Dzanyoloni ham alohida takidladi.
«Dzanyoloda katta imkoniyatlar bor. Lekin men uni yaxshi bilmayman, chunki uni tarbiyalamaganman. Afsuski, ba’zi jarohatlar uning rivojlanishiga ta’sir qildi.
U ochiq maydonlarga hujum qiladi va Paulo Dibala bilan birga chiziqlar orasida yaxshi o‘ynaydi. «Roma»da mukammal hujum tandemi bor», - dedi Pioli matbuot anjumanida.
