“Beshiktosh” hujumchisi Vout Vegorst Turkiya chempionati doirasida “Qosimpasha” bilan o‘yinda gol urdi va muxlislar bilan xayrlashdi. 30 yoshli hujumchi goldan so‘ng qo‘llarini ko‘tarib, muxlislarga murojaat qildi.
Avvalroq Footmercato nashri niderlandiyalik futbolchining "Manchester Yunayted"ga o‘tishi haqida xabar bergan edi. Vegxorstning transfer huquqlari "Byornli"ga tegishli.
"Manchester Yunayted" Krishtianu Ronaldu jamoani tark etganidan so‘ng hujumchi qidira boshladi. JCH-2022 oldidan uning Pirs Morgan bilan shov-shuvli intervyusidan so‘ng portugaliyalik bilan shartnoma bekor qilindi.
Vegxorst “Byornli”ga 2022 yilning yanvarida kelib qo‘shilgan. Ammo jamoa Chempionshipga tushib ketganidan keyin klub uni ijaraga berdi.
