“Бешиктош” ҳужумчиси Воут Вегорст Туркия чемпионати доирасида “Қосимпаша” билан ўйинда гол урди ва мухлислар билан хайрлашди. 30 ёшли ҳужумчи голдан сўнг қўлларини кўтариб, мухлисларга мурожаат қилди.
Аввалроқ Footmercato нашри нидерландиялик футболчининг "Манчестер Юнайтед"га ўтиши ҳақида хабар берган эди. Вегхорстнинг трансфер ҳуқуқлари "Бёрнли"га тегишли.
"Манчестер Юнайтед" Криштиану Роналду жамоани тарк этганидан сўнг ҳужумчи қидира бошлади. ЖЧ-2022 олдидан унинг Пирс Морган билан шов-шувли интервьюсидан сўнг португалиялик билан шартнома бекор қилинди.
Вегхорст “Бёрнли”га 2022 йилнинг январида келиб қўшилган. Аммо жамоа Чемпионшипга тушиб кетганидан кейин клуб уни ижарага берди.
