“An-Nasr” klubi hujumchi Vensan Abubakar bilan shartnomani bekor qildi, deb xabar bermoqda Footmercato, AFP nashriga tayanib.
Shartnoma tomonlarning roziligi bilan bekor qilingani ko‘rsatilgan. Futbolchi shartnoma muddatidan oldin bekor qilingani uchun tovon puli oldi.
Saudiya Arabistoni chempionatida legionerlarga cheklov qo‘yilgan - qaydnomaga 8 nafar xorijlik futbolchi kiritilishi mumkin. Ronaldu esa tarkibda 9-xorijlik edi.
Joriy mavsumda 30 yoshli Abubakar 9 uchrashuvda 2 gol va 1 golli uzatmani amalga oshirdi.
Shuningdek, futbolchi bilan "Manchester Yunayted" shartnoma imzolamoqchi ekanligi haqida ham ma’lumotlar bor.
