"Bavariya" Myonxengladbaxning "Borussiya" klubi darvozaboni Yan Zommerning transferini amalga oshirishga harakat qilmoqda, deb xabar beradi Sport1.de.
Manbaga ko‘ra, "Bavariya" darvozabonning transferi uchun sal kam besh million yevro taklif qilgan. Qayd etilishicha, “Borussiya” darvozabon uchun kamida sakkiz million yevro olishni rejalashtirgan. Bu mablag‘ Myonxengladbax klubiga "MonpelYE"dan Yonas Omlinni transfer qilishi uchun yetarli bo‘lishi kerak. Qayd etilishicha, “Bavariya” hali bunday narxni taklif qilishga tayyor emas.
Sky Sports Deustchland jurnalisti Florian Plettenbergning fikricha, Zommer "Bavariya" uchun asosiy variant bo‘lib qolmoqda.
Qayd etilishicha, Zommer allaqachon “Borussiya” vise-prezidenti Rayner Bonxof bilan bog‘lanib, qishda “Bavariya”ga o‘tmoqchi ekanligini aytgan.
34 yoshli darvozabon 2014 yilning iyulidan beri "Borussiya M" tarkibida to‘p surmoqda. Joriy mavsumda u Myonxengladbax klubi safida 11 ta o‘yin o‘tkazib, 14 ta gol o‘tkazib yubordi va 4 marta o‘z darvozasi daxlsizligini saqlab qoldi. Uning shartnomasi 2023 yilgacha mo‘ljallangan.
