Fransiya kubogining har bir bosqichida ishtirok etish uchun mukofot puli miqdori ma’lum bo‘ldi.
L’Equipe nashri xabariga ko‘ra, Fransiya kubogining 1/32 final bosqichining barcha ishtirokchilari 30 000 yevro ishlab oladi. Keyingi bosqichga chiqqan jamoalarga yana 50 000 yevro mukofot puli taqdim etiladi.
1/8 final ishtirokchilari har biriga 70 ming, 1/4 final ishtirokchilariga 135 ming, yarim finalga chiqish uchun esa 280 ming mukofot puli taqdim etiladi. Fransiya kubogi finalchilari har biri 950 ming, turnir g‘olibi esa 1,5 million oladi. Jami Liga 1 klubi turnirdagi g‘alabasi uchun 2 million 65 ming, quyi divizion jamoasi esa agar Fransiya kubogini qo‘lga kiritsa, 2 million 88 ming oladi.
Umumiy mukofot jamg‘armasi 11 million 930 ming yevroni tashkil qiladi - xuddi o‘tgan mavsumdagidek.
