Madridda yangi avlod yetishib chiqmoqda: Iker Kasilyas va Sara Karboneroning o‘g‘li allaqachon "Real"ning o‘smirlar toifalaridan birida darvozabon sifatida ilk qadamlarini tashlamoqda.
Martin Kasilyas 2014 yil 3 yanvarda tug‘ilgan (u endigina 9 yoshga to‘ldi). U 13-raqam ostida o‘ynaydi va hozirda yaxshi natijalar ko‘rsatmoqda: o‘tgan yilning oktyabr oyidan beri kichik Kasilyas 9ta o‘yin o‘tkazgan va uning jamoasi shundan 8tasida g‘alaba qozongan. Jamoa 86 ta gol urgan va 17 ta o‘tkazib yuborgan.
Eslatib o‘tamiz, Iker Kasilyas 1999 yildan 2015 yilgacha "Qirollik klubi" darvozasini himoya qilgan, 5 marta Ispaniya chempioni bo‘lgan, ikki marta kubok va 4 marta mamlakat Superkubogini qo‘lga kiritgan, 3 marta Chempionlar ligasida zafar quchgan.
