Мадридда янги авлод етишиб чиқмоқда: Икер Касильяс ва Сара Карбонеронинг ўғли аллақачон "Реал"нинг ўсмирлар тоифаларидан бирида дарвозабон сифатида илк қадамларини ташламоқда.

Мартин Касиляс 2014 йил 3 январда туғилган (у эндигина 9 ёшга тўлди). У 13-рақам остида ўйнайди ва ҳозирда яхши натижалар кўрсатмоқда: ўтган йилнинг октябрь ойидан бери кичик Касиляс 9та ўйин ўтказган ва унинг жамоаси шундан 8тасида ғалаба қозонган. Жамоа 86 та гол урган ва 17 та ўтказиб юборган.

Эслатиб ўтамиз, Икер Касильяс 1999 йилдан 2015 йилгача "Қироллик клуби" дарвозасини ҳимоя қилган, 5 марта Испания чемпиони бўлган, икки марта кубок ва 4 марта мамлакат Суперкубогини қўлга киритган, 3 марта Чемпионлар лигасида зафар қучган.