"Arsenal" hujumchisi Eddi Nketia Angliya kubogining 1/32 doirasida "Oksford"ga qarshi o‘yin (3:0) natijalari haqida fikr bildirdi. Ushbu uchrashuvda futbolchi dubl qayd etdi.
“Biz bu oson bo‘lmasligini bilardik. Bu qiyin maydon va ajoyib tomoshabinlar edi. Birinchi bo‘limdan so‘ng ular yaxshilanishlari kerakligini tushunishdi va buni uddalashdi. Menga birinchisidan ko‘ra ikkinchi gol ko‘proq yoqdi", - dedi Nketia.
1/16 finalda “Arsenal” safarda “Manchester Siti”ga qarshi bahs olib boradi. Angliya Kubogining 1/16 final o‘yinlari 27-30 yanvar kunlari bo‘lib o‘tadi.
