"Chelsi" hujumchi Yusuf Mukoko uchun kurashda "Nyukasl"ga yutqazishi mumkin.

18 yoshli hujumchining Dortmundning “Borussiya” klubi bilan shartnomasi 2023 yilning yozida yakuniga yetadi.

Evening Standard nashri jurnalisti Nizaar Kinsellaning yozishicha, "Nyukasl" Mukoko bilan og‘zaki gaplashib, unga 150 ming funt sterlingdan ortiq maosh taklif qilgan. Ingliz klubi Yusufni yozda tekinga qo‘shilishini istamoqda.

JCH-2022da Germaniya terma jamoasi safida to‘p surgan hujumchiga "Chelsi" va "Barselona" qiziqish bildirmoqda.

Dortmundning "Borussiya" klubi Mukoko bilan yangi shartnoma borasida muzokaralar olib borishga harakat qilmoqda, biroq uning moliyaviy ehtiyojlarini hisobga olib, hozircha muzokaralarda muvaffaqiyat qozona olmadi. Endilikda “Nyukasl” hujumchi uchun kurashda “Chelsi”dan oldinda.

"Nyukasl" erkin agentlar bilan shartnoma imzolashga e’tibor qaratmoqda.

Joriy mavsumda Mukoko “Borussiya” safida Bundesliganing 14 ta uchrashuvida 6 ta gol va 3 ta golli uzatmaga mualliflik qildi. Chempionlar ligasi va Germaniya kubogida gol ura olmagan.