"Челси" ҳужумчи Юсуф Мукоко учун курашда "Ньюкасл"га ютқазиши мумкин.
18 ёшли ҳужумчининг Дортмунднинг “Боруссия” клуби билан шартномаси 2023 йилнинг ёзида якунига етади.
Evening Standard нашри журналисти Низаар Кинселланинг ёзишича, "Ньюкасл" Мукоко билан оғзаки гаплашиб, унга 150 минг фунт стерлингдан ортиқ маош таклиф қилган. Инглиз клуби Юсуфни ёзда текинга қўшилишини истамоқда.
ЖЧ-2022да Германия терма жамоаси сафида тўп сурган ҳужумчига "Челси" ва "Барселона" қизиқиш билдирмоқда.
Дортмунднинг "Боруссия" клуби Мукоко билан янги шартнома борасида музокаралар олиб боришга ҳаракат қилмоқда, бироқ унинг молиявий эҳтиёжларини ҳисобга олиб, ҳозирча музокараларда муваффақият қозона олмади. Эндиликда “Ньюкасл” ҳужумчи учун курашда “Челси”дан олдинда.
"Нюкасл" эркин агентлар билан шартнома имзолашга эътибор қаратмоқда.
Жорий мавсумда Мукоко “Боруссия” сафида Бундеслиганинг 14 та учрашувида 6 та гол ва 3 та голли узатмага муаллифлик қилди. Чемпионлар лигаси ва Германия кубогида гол ура олмаган.
