"Leypsig" futbolchisi Dani Olmo kelajagi haqida gapirdi.
"Kelajakda Ispaniyaga qaytishni xohlayman. Bu mening vatanim, bu liga menga juda yaqin. U yerda mening oilam va do‘stlarim yashaydi. Lekin, shu bilan birga, men uchun eng muhimi, "Leypsig"da bo‘lgani kabi, meni qadrlaydigan jamoada o‘ynash" - dedi futbolchi Football Espana bilan suhbatda.
Oldinroq OAVda Olmo "buqalar" bilan shartnomasini 2027 yilning yoziga qadar uzaytirishga yaqin ekani haqida xabar berilgandi.
Olmo joriy mavsumda "Leypsig" safida 14 ta o‘yinda maydonga tushib, 3 ta gol va 4 ta golli uzatmaga mualliflik qilgan.
