"Лейпциг" футболчиси Дани Ольмо келажаги ҳақида гапирди.
"Келажакда Испанияга қайтишни хоҳлайман. Бу менинг ватаним, бу лига менга жуда яқин. У ерда менинг оилам ва дўстларим яшайди. Лекин, шу билан бирга, мен учун энг муҳими, "Лейпциг"да бўлгани каби, мени қадрлайдиган жамоада ўйнаш" - деди футболчи Football Espana билан суҳбатда.
Олдинроқ ОАВда Ольмо "буқалар" билан шартномасини 2027 йилнинг ёзига қадар узайтиришга яқин экани ҳақида хабар берилганди.
Ольмо жорий мавсумда "Лейпциг" сафида 14 та ўйинда майдонга тушиб, 3 та гол ва 4 та голли узатмага муаллифлик қилган.
