Rimning "Roma" klubi sharafini himoya qilayotgan Eldor Shomurodov "Torino" bilan shaxsiy shartnoma shartlarini kelishib oldi. Bu haqda italiyalik insayder Nikolo Skira Twitter sahifasida xabar berdi.

Endi "Torino" rimliklar bilan transfer masalasida kelishuvga erishishi kerak.

27 yoshli Shomurodov hozirda Transfermarkt portalida 7 million yevroga baholangan. U "bo‘rilar" safiga 2021 yil yozida "Jenoa"dan 18 million yevro evaziga kelib qo‘shilgan.

Eldor joriy mavsumda "Roma" uchun 8 ta o‘yinda 1 ta gol urdi va 151 daqiqani maydonda o‘tkazdi.