Angliya terma jamoasi va "Tottenxem" hujumchisi Xarri Keynga "Manchester Yunayted" va "Chelsi" qiziqish bildirmoqda.
Ma’lumotlarga ko‘ra, har ikki klub yozgi transfer oynasida "Tottenxem" bilan bog‘lanishni va angliyalik hujumchini sotib olish masalasini muhokama qilishni rejalashtirmoqda.
Keynning "shporlar" bilan shartnomasi 2024 yilning yoziga qadar amal qiladi.
29 yoshli hujumchi joriy mavsumda “Tottenxem” safida barcha turnirlar doirasida 26 ta o‘yinda maydonga tushib, 17 ta gol urdi va 3 ta golli uzatmani amalga oshirdi. Transfermarkt portaliga ko‘ra futbolchining narxi 90 million yevroga baholanmoqda.













