Англия терма жамоаси ва "Тоттенхэм" ҳужумчиси Харри Кейнга "Манчестер Юнайтед" ва "Челси" қизиқиш билдирмоқда.
Маълумотларга кўра, ҳар икки клуб ёзги трансфер ойнасида "Тоттенхэм" билан боғланишни ва англиялик ҳужумчини сотиб олиш масаласини муҳокама қилишни режалаштирмоқда.
Кейннинг "шпорлар" билан шартномаси 2024 йилнинг ёзига қадар амал қилади.
29 ёшли ҳужумчи жорий мавсумда “Тоттенхэм” сафида барча турнирлар доирасида 26 та ўйинда майдонга тушиб, 17 та гол урди ва 3 та голли узатмани амалга оширди. Transfermarkt порталига кўра футболчининг нархи 90 миллион еврога баҳоланмоқда.
