Dortmundning "Borussiya" klubi ijrochi direktori Xans-Yoaxim Vaske hujumchi Yusuf Mukoko bilan shartnoma borasidagi vaziyatga izoh berdi. Tomonlar o‘rtasidagi kelishuv mavsum oxirida o‘z nihoyasiga yetadi.
"Agar ikkala tomonning g‘oyalari to‘g‘ri kelmasa, Yusuf biz uchun o‘ynashda davom etmaydi, ammo bu so‘nggi chora. Bu sodir bo‘lishi mumkin, lekin, albatta, Mukoko biz bilan qoladi deb umid qilamiz", - deya Vaske so‘zlaridan iqtibos keltirgan Sky Germany.
Yusuf Mukoko "Borussiya" tarkibiga 2016 yilning yozida 12 yoshida kelib qo‘shilgan edi. Joriy mavsumda u barcha musobaqalarda 22 ta o‘yinda 6 ta gol urdi va 6 ta golli uzatmani amalga oshirdi. Avvalroq "Barselona" futbolchiga faol qiziqish bildirayotgani, Mukokoning o‘zi ham faoliyatini Kataloniya poytaxtida davom ettirishga qarshi emasligi haqida xabar berilgandi.
