"Tottenxem" hujumchisi Xarri Keyn "Real Madrid"ning transfer maqsadi emas. Jurnalist Fabrisio Romanoning so‘zlariga ko‘ra, ingliz futbolchisining “Santyago Bernabeu”ga o‘tishi mumkinligi haqidagi mish-mishlar haqiqatga to‘g‘ri kelmaydi.
Kelasi yozda Keynning transferi uchun haqiqiy davogar Robert Levandovskiga o‘rinbosar qidirayotgan "Bavariya" bo‘lishi aniq. Biroq, kelasi mavsum oxirida shartnoma muddati tugasa ham, "Tottenxem" o‘z tarixidagi eng yaxshi to‘purarni qo‘yib yuborishga rozi bo‘lishi aniq emas.
Keynning joriy mavsumda APLda 15 ta goli va 1 ta golli uzatmasi bor.
