"Monako" darvozaboni Lisandro Olmetaga "Manchester Siti" qiziqish bildirmoqda.
Footmercato xabariga ko‘ra, ingliz klubi mavsum oxirida erkin agentga aylanadigan 17 yoshli darvozabon bilan shartnoma imzolashga umid qilmoqda. Olmeta "Monako"dan shartnoma taklifini oldi, biroq hozircha shartlar bo‘yicha kelisha olmadi, bu esa Xosep Gvardiola jamoasida qiziqish uyg‘otdi.
Olmeta Ayachchio shahrida tug‘ilgan va 2011 yildan 2020 yilgacha mahalliy klublarda futbol o‘ynagan, shundan so‘ng u "Monako" akademiyasini yakunlagan.













