“Barselona”ning 20 yoshli vingeri Ansu Fati uchun so‘nggi o‘yinlar omadli kechmoqda. U “anorranglilar” tarkibidagi so‘nggi 3 ta bahsda 2 ta gol urishga muvaffaq bo‘ldi.

Jumladan, Ispaniya superkubogi yarim finalidan o‘rin olgan, 13-yanvar kuni “Betis”ga qarshi o‘tkazilgan uchrashuvning “over-taymlar”i 3-daqiqasida ham Fati gol urib, “Barsa”ni hisobda oldinga olib chiqqandi.
Ammo keyinchalik sevilyaliklar hisobni tenglashtirishgan, penaltilar seriyasida esa omad kataloniyaliklarga kulib boqqandi (4:2).

Shuningdek, Ansu Ispaniya kubogi doirasidagi “Intersiti” jamoasi bilan bo‘lgan belashuvda ham gol urib, “Barsa”ning 4:3 hisobidagi yutug‘iga o‘zining munosib hissasini qo‘shgandi.